NVE seier ja til Moldalsknuten – viktig gjennombrot for ny vindkraft

Ved å byggje vidare i eit område som allereie er teke i bruk til vindkraft, kan prosjektet gi meir fornybar kraft med mindre behov for nye inngrep og ny infrastruktur.

– Dette er ei svært gledeleg melding. Moldalsknuten viser at det er mogleg å utvikle ny vindkraft gjennom godt samarbeid, lokal forankring og grundige prosessar. Slike prosjekt kan gi samfunnet den krafta vi treng, samtidig som vi får mest mogleg ut av areal og infrastruktur som allereie er tekne i bruk, seier konsernsjef Ragnhild Janbu Fresvik i Eviny.

Ho rosar Sokndal kommune, grunneigarane og NVE for arbeidet som er lagt ned gjennom fleire år.

– Sokndal kommune fortener ros for ei ryddig og god sakshandsaming, og NVE har handsama konsesjonssøknaden grundig og effektivt. Dette er resultatet av eit godt samarbeid mellom mange aktørar. Vi er glade for tilliten som er vist prosjektet, og stolte over å få vere med på å utvikle meir fornybar kraft saman med lokale aktørar i Sokndal, seier Fresvik.

Mindre konfliktfylt

Moldalsknuten er ein del av Eviny si satsing på fortetting og vidareutvikling i område med eksisterande kraftanlegg og nettilknyting. Prosjektet er utvikla av Norsk Vind i tett samarbeid med Eviny.

– Fortetting og utviding rundt eksisterande anlegg er den minst konfliktfylte og raskaste vegen til meir fornybar energi. Når vi kan nytte vegar, nett og annan infrastruktur som allereie finst, får vi meir produksjon med avgrensa nye inngrep og der naturkonsekvenser i større grad allerede er kartlagt. Moldalsknuten er eit godt døme på korleis vi kan utvikle meir fornybar kraft på ein effektiv måte, seier konserndirektør Arne Andreas Riisnes i Ny energi og industrielle partnarskap i Eviny.

Lokal støtte og godt samarbeid

Han meiner vedtaket òg kan få betydning utover sjølve prosjektet.

– Dette viser at det er mogleg å utvikle nye vindkraftprosjekt med lokal støtte og godt samarbeid mellom utbyggjarar, kommunar og styresmakter. I januar 2024 kjøpte Eviny Tellenes vindkraftverk frå det internasjonale investeringsfondet BlackRock. Som ein offentleg eigd og langsiktig kraftprodusent ønskjer vi å vidareutvikle Tellenes og andre gode kraftverk. Slik kan vi sikre meir av den krafta samfunnet treng, og samtidig bidra til stabile og gode utbyte til fellesskapet i åra framover, seier Riisnes.

Målet er å ta ei investeringsavgjerd for Moldalsknuten tidleg 2027, avhengig av den vidare framdrifta.

Fakta: Moldalsknuten vindkraftverk (Sokndal kommune)

• 8 vindturbinar på opptil 200 meter
• Inntil 40 MW installert effekt
• Inntil 92,8 GWh årleg kraftproduksjon
• Straum tilsvarande forbruket til om lag 5 800 husstandar
• Konsesjonen gjeld i 30 år
• Utvikla av Eviny og Norsk Vind. Prosjektselskapet er eigd 50/50 av dei to selskapa
• Kan nytte eksisterande tilkomstvegar og nettanlegg, men krev òg nye vegar og ny nettilknyting
• Målet er å ta ei investeringsavgjerd i 2027, avhengig av den vidare framdrifta

Pressekontakt

Rolf Sanne-Gundersen
Ansvarleg for kommunikasjon og rammevilkår i Ny energi
Telefon: 970 55 208
E-post: rolf.sanne-gundersen@eviny.no (Åpner epostklient)

Marte Leirvåg
Leiar for samfunnskontakt og kommunikasjon i Eviny
Telefon: 906 88 919
E-post: marte.leirvag@eviny.no (Åpner epostklient)